ഉണരൂ സഖാക്കളേ വേഗം...!
-------------------------
ഒരു ദശാസന്ധി തൻ
പടവിൽ നാ,മിരുൾ മാത്ര-
മിണചേർന്നു നില്ക്കുന്നു ചുറ്റും..
പെരുകും തമസ്സിൽ നാ-
മന്ധരായ്, മൃത്യുതൻ
മണവും ശ്വസിച്ചിരിക്കുന്നു..
ഇവിടെ നാം വൈകിയാ-
ലിരുളിന്റെ ശക്തികൾ-
ക്കിര മാത്രമായി നാം മാറും..
ഇവിടെ നാം പതറിയാ-
ലിനിയുള്ള ജീവിതം
ഇവർ തന്ന ദക്ഷിണ്യമാകും..
ഇരുളറ,യ്ക്കുള്ളിലേയ്-
ക്കിവർതന്നെ നമ്മൾ തൻ
ധനമൊക്കെയും കൊണ്ടുപോകും..
ഒരുതുള്ളി മാത്രം
കൊതിക്കുമ്പൊഴും ദാഹ-
ജലവും നമു,ക്കന്യമാകും..
ഇവിടെ നാം ചിതറിയാ-
ലറിവിന്റെ പാഠങ്ങൾ
പനയോല മാത്രമായ് തീരും..
ചിതലിന്റെ കൊട്ടാര-
വാതുക്കൽ നമ്മളും
ജട കെട്ടി മൗനമായ് നില്ക്കും..
ഇവിടെ നാം മൗനിയായ്
മാറിയാൽ സംഗീത-
മിവിടം വെടിഞ്ഞങ്ങു പോകും..
ഉയരുന്ന ചാട്ടവാർ
പകരും സ്വരം മാത്ര-
മിവിടെങ്ങു,മെന്നും മുഴങ്ങും..
ഇനി നാ,മുറങ്ങിയിയാ-
ലരികൾത,ന്നായുധം
ഇടനെഞ്ചി,ലാഴത്തിലേറും..
കരയുവാ,നാവാ-
തൊടുങ്ങുന്ന നമ്മൾ തൻ
ജഡവും മുറി,ച്ചിവർ വില്ക്കും..
ഉണരൂൂ സഖാക്കളേ വേഗം-ചോര-
നിറമീ,പ്പതാകയ്ക്കു നിത്യം..
ഇരു കൈകൾ കൊണ്ടും
പിടിക്കുമീ കൊടിമാത്ര-
മിനി മോചനത്തിന്നു സാക്ഷ്യം....
പൊരുതൂ സഖാക്കളേ വേഗം-നീച-
ഭരണ വർഗ്ഗങ്ങളേ ലക്ഷ്യം...
ഒരു ന്യൂന പക്ഷം
സുഖിക്കുന്ന വാഴ്ചത-
ന്നറുതിക്കു പോരാണു മാർഗ്ഗം...
പടരൂ സഖാക്കളേ വേഗം-നാളെ-
വിടരും പ്രഭാതമേ സത്യം..
ദുര തീർത്ത പുരമാകെ-
യെരിയുന്ന പാട്ടിനായ്
ചെവിയോർ,ത്തിരിക്കുന്നു കാലം...!
--(----
ടി.യൂ.അശോകൻ
-------------------------
ഒരു ദശാസന്ധി തൻ
പടവിൽ നാ,മിരുൾ മാത്ര-
മിണചേർന്നു നില്ക്കുന്നു ചുറ്റും..
പെരുകും തമസ്സിൽ നാ-
മന്ധരായ്, മൃത്യുതൻ
മണവും ശ്വസിച്ചിരിക്കുന്നു..
ഇവിടെ നാം വൈകിയാ-
ലിരുളിന്റെ ശക്തികൾ-
ക്കിര മാത്രമായി നാം മാറും..
ഇവിടെ നാം പതറിയാ-
ലിനിയുള്ള ജീവിതം
ഇവർ തന്ന ദക്ഷിണ്യമാകും..
ഇരുളറ,യ്ക്കുള്ളിലേയ്-
ക്കിവർതന്നെ നമ്മൾ തൻ
ധനമൊക്കെയും കൊണ്ടുപോകും..
ഒരുതുള്ളി മാത്രം
കൊതിക്കുമ്പൊഴും ദാഹ-
ജലവും നമു,ക്കന്യമാകും..
ഇവിടെ നാം ചിതറിയാ-
ലറിവിന്റെ പാഠങ്ങൾ
പനയോല മാത്രമായ് തീരും..
ചിതലിന്റെ കൊട്ടാര-
വാതുക്കൽ നമ്മളും
ജട കെട്ടി മൗനമായ് നില്ക്കും..
ഇവിടെ നാം മൗനിയായ്
മാറിയാൽ സംഗീത-
മിവിടം വെടിഞ്ഞങ്ങു പോകും..
ഉയരുന്ന ചാട്ടവാർ
പകരും സ്വരം മാത്ര-
മിവിടെങ്ങു,മെന്നും മുഴങ്ങും..
ഇനി നാ,മുറങ്ങിയിയാ-
ലരികൾത,ന്നായുധം
ഇടനെഞ്ചി,ലാഴത്തിലേറും..
കരയുവാ,നാവാ-
തൊടുങ്ങുന്ന നമ്മൾ തൻ
ജഡവും മുറി,ച്ചിവർ വില്ക്കും..
ഉണരൂൂ സഖാക്കളേ വേഗം-ചോര-
നിറമീ,പ്പതാകയ്ക്കു നിത്യം..
ഇരു കൈകൾ കൊണ്ടും
പിടിക്കുമീ കൊടിമാത്ര-
മിനി മോചനത്തിന്നു സാക്ഷ്യം....
പൊരുതൂ സഖാക്കളേ വേഗം-നീച-
ഭരണ വർഗ്ഗങ്ങളേ ലക്ഷ്യം...
ഒരു ന്യൂന പക്ഷം
സുഖിക്കുന്ന വാഴ്ചത-
ന്നറുതിക്കു പോരാണു മാർഗ്ഗം...
പടരൂ സഖാക്കളേ വേഗം-നാളെ-
വിടരും പ്രഭാതമേ സത്യം..
ദുര തീർത്ത പുരമാകെ-
യെരിയുന്ന പാട്ടിനായ്
ചെവിയോർ,ത്തിരിക്കുന്നു കാലം...!
--(----
ടി.യൂ.അശോകൻ
Zindabad...zindabad.........chora chenkodi paratte...
ReplyDeleteഉണരൂ സഖാക്കളെ
ReplyDelete(എല്ലാ കൊടിക്കീഴിലുമണിനിരക്കുന്ന) നേതാക്കന്മാരേ..... ഒന്നുണരോ....
ReplyDeleteനാടെരിയുന്നൂൂ..നാട്ടാരുടെ കരളെരിയുന്നൂ...
പാവങ്ങളാണേലും ഞങ്ങള് പായസച്ചോറ് തരാം....
നല്ല കവിത
ശുഭാശംസകൾ.....
ആശംസകൾ
ReplyDelete